මේකේ ප්රධාන චරිතය තමයි මේඝා. මේඝා තමන්ගේ තාත්තා (ධීරාජ්) එක්ක තමයි ජීවත් වෙන්නේ. හැබැයි මේඝා පොඩි කාලෙදීම එයාගේ අම්මා එයාලව දාලා ගිහින්. තාත්තා මැරුණට පස්සේ මේඝා දැනගන්නවා එයාගේ අම්මා (අනීතා) දැන් ලොකු සල්ලිකාර පවුලක ජීවත් වෙනවා කියලා. අම්මා තමන්වයි තාත්තවයි දාලා ගිය එකට පළිගන්න හිතාගෙන මේඝා අම්මා ඉන්න ඒ මන්දිරයට යනවා. හැබැයි මේඝා එතනට යන්නේ අමුතු ප්ලෑන් එකක් එක්ක. මේඝා තමන්ගේ මියගිය තාත්තාගේ ආත්මය පාවිච්චි කරලා, අම්මාගේ දැන් ඉන්න පවුලට කරදර කරන්න හදනවා. එයා හිතන්නේ තාත්තාට අම්මා කරපු අසාධාරණයට සාධාරණයක් ඉටු කරන්න ඕනේ කියලා.මේඝා කරන මේ වැඩ නිසා අම්මාගේ ලොකු දුවට (අනීතාගේ සුළු දුව) අමුතු බලපෑම් ඇති වෙන්න ගන්නවා. ගේ ඇතුළේ හොල්මන් බලපෑම් වැඩි වෙනවා.හැබැයි කතාව මැදදී මේඝා දැනගන්නවා එයා මෙච්චර කල් දැනගෙන හිටපු දේ වැරදියි කියලා. ඇත්තටම අම්මා එයාලව දාලා ගියේ ඇයි සහ තාත්තා කියන්නේ කවුද කියන ඇත්ත විස්තරය එළියට එනවා.තමන් අතින් වුණ වැරැද්ද තේරුම් ගත්තට පස්සේ, මේඝාට සිද්ධ වෙනවා එයාම මුදා හැරපු ඒ නපුරු ආත්මයෙන් පවුලේ අයව බේරගන්න. මේක වික්රම් භාට්ගේ 1920 ෆිල්ම් සීරීස් එකේම කොටසක් වුණාට, මේකේ තියෙන්නේ සම්පූර්ණයෙන්ම වෙනස් කතාවක්. පරණ 1920 ෆිල්ම් වල තිබුණ වගේම අඳුරු පරිසරයක් සහ මියුසික් මේකෙත් තියෙනවා.
ටයිටැනික් කියන්නේ ලෝකේ හදපු ලොකුම සහ සුපිරිම නැවක් ඒ කාලේ හැටියට මුහුදේ ගිලෙන්න බැරි නැවක් කියලයි හැමෝම කිව්වේ. මේකේ ප්රධාන චරිත දෙක තමයි ජැක් සහ රෝස්. රෝස් කියන්නේ හරිම ධනවත් පවුලක ලස්සන කෙල්ලෙක්. හැබැයි එයාට එයාගේ ජීවිතේ හරිම පාලුයි, මොකද එයාට බලෙන් කසාද බන්දලා දෙන්න හදන කෙනා (කැල්) හරිම නපුරුයි. ජැක් කියන්නේ කිසිම සල්ලියක් නැති, චිත්ර අඳින්න දක්ෂ, නිදහසේ ඉන්න කොල්ලෙක්. ජැක්ට මේ නැවේ යන්න ටිකට් එක හම්බෙන්නේ සූදුවකින් දිනලා. නැව ඇතුළේදී මේ දෙන්නා මුණගැහෙනවා. රෝස්ගේ තියෙන පාලු ජීවිතේට ජැක් ලොකු වෙනසක් ගේනවා. රෝස් තමන්ගේ සේරම සැපසම්පත් අතෑරලා ජැක් එක්ක ජීවත් වෙන්න තීරණය කරනවා. ඒ අතරේ ජැක් රෝස්ගේ ලස්සන චිත්රයක් පවා අඳිනවා. නැව ගමනාන්තයට යන්න කිට්ටු වෙද්දී, රෑ මැද්දේ ලොකු අයිස් කන්දක (Iceberg) නැව හැපෙනවා. නැවේ එක පැත්තක් සම්පූර්ණයෙන්ම කැඩිලා වතුර පිරෙන්න ගන්නවා. මිනිස්සු සේරම බය වෙලා එහා මෙහා දුවනවා, හැබැයි නැවේ තිබුණේ මිනිස්සුන්ගෙන් භාගයකටත් අඩු ප්රමාණයකට විතරක් සෑහෙන ජීවිතාරක්ෂක බෝට්ටු ප්රමාණයක් විතරයි. නැව මැදින් දෙකට කැඩිලා මුහුදේ ගිලෙනවා. ජැක් සහ රෝස් දෙන්නම අන්තිම මොහොත වෙනකම් එකට ඉන්නවා. අන්තිමේදී හීතල වතුරේ ඉන්න බැරි නිසා ජැක් රෝස්ව ලෑලි කෑල්ලක් උඩට තියලා බේරනවා. හැබැයි ඒ අධික සීතල නිසා ජැක් එතනම මැරෙනවා. මේක ඇත්තටම 1912 වුණ සිදුවීමක් ඇසුරෙන් හදපු ෆිල්ම් එකක්. අන්තිමේදී රෝස් විතරක් බේරිලා ආපහු එනවා. මේ ෆිල්ම් එකේ සිංදුව “My Heart Will Go On” අදටත් හරිම ප්රසිද්ධයි. විශේෂ මතක් කිරීම : James Cameron කියන්නේ මේකේ අධ්යක්ෂ වරයා ..දැනට ඉන්න හොදම කෙනා …නැත්නම් එහෙම එයා හිතාගෙන ඉන්න හැටිද ? මම එහෙම කිව්වේ අයි ? එය ඔබට භාරයි !!!
නීතිය සහ පාතාලය අතර ගැටුමක් කියන්නේ ඉන්දියානු සිනමාවට අලුත් මාතෘකාවක් නෙවෙයි. නමුත්, ඒ සටනට එක පැත්තකින් අවංක පොලිස් නිලධාරියෙකුත්, අනිත් පැත්තෙන් මුළු නගරයක්ම තමන්ගේ අණසකට යටත් කරගත් අනුකම්පා විරහිත කාන්තාවකුත් මුහුණට මුහුණ හමුවුණොත් මොකද වෙන්නේ? සූර්යා රෝයි යනු නීතිය අකුරටම ඉටු කරන, අසාධාරණයට එරෙහිව දැඩිව නැගී සිටින පොලිස් නිලධාරියෙක්. ඔහුට කොල්කටාවේ සිට රඝුනාත්පූර් ප්රදේශයට ස්ථාන මාරුවක් ලැබෙනවා. රඝුනාත්පූර් යනු නීතියට වඩා රුද්රානි චෞද්රි නැමති බලවත් දේශපාලඥවරියගේ සහ මාෆියා රැජිනගේ බලය පැතිරුණු නගරයක්. කිසිවෙකුටත් හිස නොනමන සූර්යා රෝයි, රුද්රානිගේ නීතිවිරෝධී අධිරාජ්යය බිඳ දැමීමට පටන් ගැනීමත් සමඟ නගරය පුරා මහා ලේ වැගිරීමක් සහ බිහිසුණු බල අරගලයක් ආරම්භ වනවා.
1980 දශකයේ අගභාගය වන විට කල්කටාවට නුදුරින් පිහිටි ‘ෂිබ්පූර්’ (Shibpur) යනු පාතාල කල්ලිවල ලේ වැගිරීම් සහ දේශපාලන බලපෑම් වලින් පිරුණු අතිශය භයානක ප්රදේශයක් බවට පත්ව තිබුණා. මෙම අඳුරු නගරයේ ජීවත් වූ සාමාන්ය රජයේ සේවකයෙකු දාමරික කල්ලියක් විසින් අමානුෂික ලෙස ඝාතනය කරනු ලබනවා. තම සැමියාගේ මරණයට නීතියෙන් කිසිදු සාධාරණයක් ඉටු නොවන තැන, ඔහුගේ බිරිඳ වන ‘මන්දිරා’ තීරණය කරන්නේ නීතිය තමන්ගේ දෑතට ගැනීමටයි. පළිගැනීමේ චේතනාවෙන් ප්රදේශයේ ප්රබල පාතාල නායකයෙකු වන තපන් සමඟ අත්වැල් බැඳගන්නා ඇය, කාලයත් සමඟ සමස්ත ෂිබ්පූර් ප්රදේශයම තමාගේ අණසකට නතු කරගනිමින් එහි බිහිසුණුම මාෆියා රැජින බවට පත්වනවා. මේ ලේ වැගිරීම් නතර කිරීම සඳහා රජය විසින් යොදවනු ලබන විශේෂ පොලිස් නිලධාරී සුල්තාන් අහමඩ්ගේ ආගමනයත් සමඟ කතාවේ නවමු පෙරළියක් ඇතිවෙනවා.
රාත්රියක් ගත කිරීම සඳහා කොල්කටා නගරයේ හෝටල් කාමරයක් සොයන තරුණ ජෝඩු දෙකක් වන රියා, පායල්, බබායි සහ පෙලේට තමන් විවාහ වී නොමැති වීම හේතුවෙන් බොහෝ හෝටල් වලින් ප්රතික්ෂේප වීමට සිදුවෙනවා. වෙනත් විකල්පයක් නොමැති තැන ඔවුන් තීරණය කරන්නේ රහසිගතව රාත්රියේ වසා දමා ඇති සාප්පු සංකීර්ණයකට ඇතුළු වීමටයි. ඔවුන්ගේ එකම අරමුණ විනෝද වීම වුවත්, එහිදී ඔවුන්ට මුණගැසෙන අද්භූත මහලු කාන්තාවක් සමඟ ආරම්භ කරන “ලූඩෝ” (Ludo) ක්රීඩාව ඔවුන්ගේ ජීවිත සදහටම වෙනස් කරනවා. මේ ක්රීඩාව සාමාන්ය එකක් නොව, පරාජය වන්නන්ට මරණය සහ රුධිරය පමණක් හිමිවන අතිශය මාරාන්තික ශාපයක්.
ගමට, ගොවිතැනට මුළු හදවතින්ම ආදරය කරන තිරුපති සහ ඇමරිකාවට ගොස් මෘදුකාංග ඉංජිනේරුවරියක් වීමට දැඩි ලෙස සිහින දකින කන්යා කුමාරි යනු කුඩා කල සිටම එකට හැදී වැඩුණු මිතුරන් දෙදෙනෙකි. ඔවුන්ගේ ජීවන අරමුණු අහසට පොළොව මෙන් වෙනස් වුවද, කාලයත් සමඟ ඔවුන් අතර අපූරු ආදරයක් දළුලන්නට පටන් ගනී. නමුත්, තම අනාගත සිහින සහ ගමේ බැඳීම් අතර දෝලනය වන මේ දෙදෙනාගේ ආදර කතාවට සමාජයේ සහ පවුල්වල බලපෑම් කෙසේ එල්ල වේවිද? මෙය හුදෙක් ආදර කතාවකට වඩා, ජීවිතයේ වටිනාකම් සහ සැබෑ සතුට සොයා යන සංවේදී ගමනක් මනාව නිරූපණය කරන චිත්රපටයකි.
