සර් ආතර් කොනන් ඩොයිල්ගේ සුප්රසිද්ධ The Hound of the Baskervilles කතාව ගැන අහලා තියෙනවා නේද? මේ ලෝක ප්රකට අභිරහස බෙංගාලි සිනමාවට ගෙනාවොත් කොහොම තියේවිද? 2025 වසරේ තිරගත වුණු Saralakkha Holmes චිත්රපටය හරහා අපිට දැකගන්න ලැබෙන්නේ අන්න ඒ අපූරු අත්දැකීමයි. රහස් පරීක්ෂක කතා වලට ආදරය කරන අයට මේක නොවරදවාම නැරඹිය යුතු සිනමා සිත්තමක්. IMDb දර්ශකයේ 7.2/10 ක ඉහළ අගයක් ලබාගන්න සමත් වෙලා තියෙන මේ Mystery සහ Thriller ගණයට අයත් චිත්රපටය, අධ්යක්ෂණය කරන්නේ Sayantan Ghosal විසින්. මෙහි ප්රධාන චරිතය, ඒ කියන්නේ අපේ ‘ෂර්ලොක් හෝම්ස්’ එහෙමත් නැත්නම් ‘සරලක්ඛෝ හෝම්ස්’ විදිහට Rishav Basu රංගනයෙන් දායක වෙනවා. ඩොක්ටර් ආර්යා සෙන් (වොට්සන් චරිතයට සමාන) එක්ක එකතුවෙලා ඔහු මේ විසඳන්න යන අභිරහස ඇත්තටම කුතුහලය පිරුණු එකක්.කතාව පැත්තට හැරුණොත්, බාස්කර්විල් පවුලේ අනුප්රාප්තිකයන්ව එකින් එකා මරා දමන මාරක සුනඛයෙකුගේ ශාපයක් ගැන ගම්මානය පුරා කතාවක් පැතිරෙනවා. මේ ශාපයෙන් බේරෙන්න ඉන්න අන්තිම උරුමක්කාරයා තමයි ශේඛර් රෝයි චෞද්රි. ඔහුව බේරගන්න සහ මේ අභිරහස පිටිපස්සේ ඉන්න නොපෙනෙන සතුරා කවුද කියලා හොයාගන්න සරලක්ඛෝ හෝම්ස් තමන්ගේ පරීක්ෂණ ආරම්භ කරනවා.කතාව පුරාවටම හමුවෙන සැකකරුවන් ගණනාවක් මැදින්, නොහිතන විදිහේ කුතුහලයක් එක්ක චිත්රපටය ගලාගෙන යනවා. අවසානයේ මේක ඇත්තටම හොල්මන් සුනඛයෙක්ගේ වැඩක්ද, නැත්නම් දේපල කෑදරකමට මනුස්සයෙක් කරන අභිරහස් ඝාතන පෙළක්ද කියලා දැනගන්න නම් ඔබට මේ චිත්රපටය නරඹන්නම වෙනවා.
