1934 වර්ෂය. ඊජිප්තුවේ කයිරෝ නුවර. කිසිම කෙනෙකුට ලේසියෙන් ඇතුල් වෙන්න බැරි බ්රිතාන්ය තානාපති කාර්යාලයක් ඇතුළේ සිද්ධවෙන අභිරහස් මිනීමැරුමක්. ඒ එක්කම අතුරුදන් වෙන අතිශය රහසිගත ලියවිල්ලක්… මේක සාමාන්ය මිනීමැරුමක්ද, නැත්නම් මුළු ලෝකයම යුද්ධයකට ඇදලා දාන්න පුළුවන් මහා කුමන්ත්රණයක්ද? ඔන්න ඔය ප්රශ්නයට උත්තර හොයන්න තමයි අද අපි Murder at the Embassy (2025) චිත්රපටියත් එක්ක එකතු වෙන්නේ. කතාවේ පසුබිම සහ රේටින්ග්ස්… ඇත්තටම කිව්වොත් මේ චිත්රපටය 2023 අවුරුද්දේ තිරගත වුණු Invitation to a Murder කියන චිත්රපටයේ දෙවන දිගහැරුම විදිහටයි නිර්මාණය වෙලා තියෙන්නේ. අධ්යක්ෂණය කරන්නේ Stephen Shimek විසින්. ප්රධාන චරිතයට, ඒ කියන්නේ රහස් පරීක්ෂක මිරැන්ඩා ග්රීන්ගේ චරිතයට පණ පොවන්නේ දක්ෂ නිළි Mischa Barton. අපි ඇත්තම කතා කරමු, මේක හොලිවුඩයම හොල්ලපු Masterpiece එකක් නෙවෙයි. IMDb දර්ශකයේ මේකට ලැබිලා තියෙන්නේ 5.1/10 වගේ මධ්යස්ථ අගයක්. හැබැයි ඔයා Cozy Mystery සහ Whodunit (මිනීමරුවා කවුදැයි හොයන) කතා කලාවට ආස කෙනෙක් නම්, පැය 1යි විනාඩි 24ක කාලයක් කිසිම කම්මැලිකමක් නැතුව සැහැල්ලුවෙන් බලන්න පුළුවන් ෆිල්ම් එකක් විදිහට මේක හඳුන්වන්න පුළුවන්.
