කතාව දිගහැරෙන්නේ 1942 වසරේ ස්ටුට්ගාර්ට් (Stuttgart) නුවර කේන්ද්ර කරගනිමින්. නාසීන් විසින් යුදෙව් ජනතාව අත්අඩංගුවට ගෙන වධ කඳවුරු වෙත යවන සමයක, සිය පවුල අහිමි වූ කුඩා යුදෙව් දරුවන් දෙදෙනෙකු (බෙන්ජමින් සහ ජුඩිත්) දිවි ගලවා ගැනීම සඳහා දරන උත්සාහය මෙහි මූලිකව නිරූපණය වෙනවා. ඔවුන්ට පිහිටට එන්නේ නාසීන්ගේ SS මාස්ටර් රේස් (Master Race) වැඩසටහනට අයත් ගිසෙලා (Gisella) නම් තරුණියයි. ඇය මේ කුඩා දරුවන් දෙදෙනා නාසි සෙබළුන්ගෙන් බේරාගෙන ප්රංශ දේශසීමාව වෙත ගෙන යාමේ අවදානම් සහගත ගමනක් ආරම්භ කරනවා. අනෙක් පසින් අපට මුණගැසෙනවා හෙල්ගා (Helga) නම් අතිශය අභිලාෂකාමී තරුණියක්. ඇය Lebensborn වැඩසටහනට ස්වේච්ඡාවෙන් ඉදිරිපත් වී ඉහළ නිලධාරියෙකු සමඟ එක්වීමට සිහින දකින, නාසි මතවාදයෙන් දැඩිව හිස උදුමවාගත් චරිතයක්. මෙම අන්ත දෙකේ ගැටුම චිත්රපටය පුරාවටම දක්නට ලැබෙනවා.
