හිතන්නකො ඔයාට එකපාරටම සිහිය එනවා කියලා… හැබැයි ඔයා ඉන්නේ ඇඳක නෙමෙයි, මිනී පෙට්ටියක් වගේ වහපු පොඩි මැෂින් එකක් (Cryogenic pod) ඇතුළේ. ඔයාට ඔයා කවුද, එතනට ආවේ කොහොමද කියලා කිසිම මතකයක් නෑ. අන්න ඒක තමයි මේ ෆිල්ම් එකේ ප්රධාන චරිතෙට වෙන්නේ. ඊටත් වඩා භයානකම වැඩේ තමයි, ඒ පොඩි ඉඩේ එයාට හුස්ම ගන්න තියෙන ඔක්සිජන් ප්රමාණය ටිකෙන් ටික අඩු වේගෙන යන එක. එයාට උදව්වට ඉන්නේ ඒ මැෂින් එක පාලනය කරන ‘MILO’ කියන කෘත්රිම බුද්ධි (AI) පද්ධතිය විතරයි. ඔක්සිජන් ඉවර වෙලා මැරෙන්න කලින්, තමන් කවුද කියලා හොයාගෙන එතනින් එළියට එන්න එයා දරන මාරාන්තික උත්සාහය තමයි කතාවේ තියෙන්නේ. ඇයි මේක බලන්න ඕනේ? මේක පටන් ගත්ත වෙලාවේ ඉඳන් ඉවර වෙනකන්ම නියපොතු හපාගෙන බලන්න පුළුවන් ෆිල්ම් එකක්. සම්පූර්ණ කතාවම වගේ යන්නේ අර පොඩි පෙට්ටිය ඇතුළේ වුණාට කිසිම කම්මැලිකමක් දැනෙන්නේ නෑ. ඒ වගේම අන්තිමට කතාවේ වෙන වෙනස (Plot twist) නම් ඔයා හීනෙකින්වත් හිතන එකක් නෙමෙයි. Thriller කතා වලට ආස අයට මේක පට්ටම අත්දැකීමක් වෙයි.
