වයස අවුරුදු 15 දී ප්රබල පාතාල මැරයෙකු ඝාතනය කරමින් අඳුරු ලෝකයට අත්පොත් තබන ‘තූෆාන්’, පසුකාලීනව දේශපාලන බලයද තම අතට ගනිමින් මුළු රටම වෙව්ලුම් කවන දැවැන්තයෙකු බවට පත්වෙනවා. ඔහුගේ මෙම භයානක වර්ධනය සහ පාලනය කරගත නොහැකි ඝාතන රැල්ල හේතුවෙන්, ඔහු විසින්ම බලයට ගෙනා රජය ඔහුව විනාශ කිරීමට තීරණය කරනවා. මේ මරණීය උගුලෙන් ගැලවීම සඳහා තූෆාන් තෝරාගන්නේ, පෙනුමෙන් ඔහුටම සමාන, සිනමාවට එන්නට පෙරුම් පුරන ‘ශාන්තෝ’ නැමති අහිංසක තරුණයාවයි. බලය, අභිමානය සහ කුරිරුකම අතර දෝලනය වන මේ ලේ වැකි ක්රියාදාමය බංග්ලාදේශ සිනමාවේ නව මානයක් සනිටුහන් කර තිබෙනවා.
