යුද්ධයේ කටුකත්වය සහ තමන්ගේම ළමා වියේ අමිහිරි මතකයන් එකට මුසු වූ විට කෙනෙකුගේ මනස කොතරම් දුරකට විකෘති විය හැකිද? My Sister’s Bones (2026) චිත්රපටය දිගහැරෙන්නේ එලෙස දැඩි මානසික කම්පනයකට (PTSD) ලක්වූ දක්ෂ යුධ වාර්තාකාරිනියකගේ ජීවිතය වටායි. ඉරාකයේ සිදුවූ අමිහිරි සිදුවීමකින් පසුව සහ සිය මවගේ අභාවයත් සමඟම, කේට් රැෆ්ටර් (Kate Rafter) නැවතත් ඇගේ උපන්ගම වන ‘Herne Bay’ හි පිහිටි නිවසට පැමිණෙනවා. නමුත් ඇයට නිදහසේ හුස්ම ගන්නට ලැබෙන්නේ නැහැ. මවගේ බඩු බාහිරාදිය අස්පස් කරන අතරතුර, අසල්වැසි නිවසේ අතිශය අබිරහස් සහ භයානක යමක් සිදුවන බවට ඇයට සැක මතු වෙනවා.මෙය හුදෙක් සාමාන්ය ත්රාසජනක චිත්රපටයක් නොව, Psychological Thriller සහ Mystery Drama යන ශානරයන්ට අයත් අපූරු නිර්මාණයක්. කේට් දකින දේවල් සැබෑවක්ද, එසේත් නැතිනම් ඉරාකයේදී ඇයට අහිමි වූ කුඩා දරුවා (නිඩාල්) සහ කුඩා කල මුහුදේ ගිලී මියගිය ඇගේ සහෝදරයාගේ මතකයන් නිසා නිර්මාණය වූ මායාවක්ද යන්න ප්රේක්ෂකයාටද ප්රහේලිකාවක් බවට පත්වෙනවා. ඇයගේ සහෝදරිය වන සැලී (Sally) සමඟ ඇති බිඳුණු සබඳතාවයත්, සැලීගේ සැමියා වන පෝල් (Paul) ගේ අද්භූත හැසිරීමත් කතාවේ කුතුහලය තවත් තීව්ර කරනවා.
