විශ්වවිද්යාලයක් කියන්නේ තරුණකමත් නිදහසත් උපරිමයෙන්ම භුක්ති විඳින තැනක්. නමුත් ඒ නිදහස සීමාව ඉක්මවා ගිහින් දරුණු ශිෂ්ය ගැටුම් සහ අභිරහස් මිනීමැරුමක් දක්වා දුරදිග ගියොත් මොකද වෙන්නේ? Ajai Vasudev ගේ අධ්යක්ෂණයෙන් 2017 වසරේ තිරගත වූ Masterpiece සිනමාපටය ආරම්භ වෙන්නේ අන්න ඒ වගේ උණුසුම් වාතාවරණයක් මැදින්. පොලිසියටවත් පාලනය කරගන්න බැරි වුණු මේ රස්තියාදුකාර ශිෂ්ය කල්ලි පාලනය කරන්න විශ්වවිද්යාලයට අලුතෙන් එන්නේ සාමාන්ය ගුරුවරයෙක් නෙමෙයි. ඔහු තමයි Edward Livingston හෙවත් එඩී. මලයාලම් සිනමාවේ සුපිරි තරුව Mammootty ගේ අතිශය ආකර්ෂණීය සහ රළු (Mass) රංගනයෙන් හැඩවුණු මේ ගුරුවරයා, මුළු කැම්පස් එකම තමන්ගේ අණසකට නතු කරගන්න සමත් වෙනවා.
