ආදරය කියන්නේ ජීවිතයේ විවිධ කාල වකවානු වලදී අපිට විවිධ විදිහට දැනෙන අපූරු හැඟීමක්. සමහර වෙලාවට පාසල් කාලයේදී ඇතිවෙන බොළඳ ආදරය, තරුණ වයසට එද්දී ජීවිතයම වෙනස් කරන බරපතල ප්රේමයක් බවට පත් වෙනවා. හැබැයි ඒ හැමදේකින්ම පස්සේ, අපි මුළු ජීවිතයම බෙදාගන්න කෙනෙක්ව තෝරාගන්නේ කොහොමද? අන්න ඒ සුන්දර, හැඟීම්බර ගමන ගැන කියවෙන කන්නඩ සිනමාවේ බිහිවුණු අතිවිශිෂ්ට නිර්මාණයක් තමයි Love Mocktail (2020) කියන්නේ.මේ කතාව ගලාගෙන යන්නේ ආදි (Darling Krishna) කියන තරුණයාගේ ජීවිත කතාව වටායි. දිනක් ඔහු වෙරළබඩ ප්රදේශයකට වාහනයෙන් ගමන් කරන අතරතුර තරුණියකට උදව් කරනවා. ඒ යන ගමනේදී ආදි තමන්ගේ අතීතයේ ආදර කතා ගැන ඇයත් එක්ක බෙදාගන්නවා. පාසල් කාලයේදී රීමාට ඇතිවෙන බොළඳ ආදරය, ඉන්පසුව ඉංජිනේරු විද්යාලයේදී ජෝ (Amrutha Iyengar) සමඟ ඇතිවෙන ප්රබල ප්රේම සම්බන්ධය, සහ ඒ ආදරය බිඳවැටීමෙන් පස්සේ ඔහු නිධි (Milana Nagaraj) කියන ස්වාධීන හා සරල තරුණියව මුණගැසෙන විදිහ මේ චිත්රපටයෙන් ඉතාමත් තාත්විකව නිරූපණය කරලා තියෙනවා.
