ඔන්න 2026 අවුරුද්දේ නිකුත් වුණු “Beast” ෆිල්ම් එක ගැන තමයි අද ලිපියෙන් කතා කරන්නේ. මේ චිත්රපටයේ ප්රධාන චරිත කරන්නේ ජනප්රිය හොලිවුඩ් නළු, ඔස්කාර් සම්මාන ලාභී Russell Crowe (සැමී) එක්ක Daniel MacPherson (පැටන් ජේම්ස්). මීට අමතරව Luke Hemsworth (ගේබ්රියෙල්) සහ Bren Foster වගේ දක්ෂ නළුවන් රැසකුත් මේකට රංගනයෙන් දායක වෙනවා. මේක Tyler Atkins ගේ අධ්යක්ෂණයක් වන අතර, තිර රචනය සඳහා Russell Crowe ද දායක වී තිබෙනවා. මේ කතාව ගෙතිලා තියෙන්නේ ‘පැටන් ජේම්ස්’ කියන පැරණි MMA (Mixed Martial Arts) සටන් ශූරයා වටා. එයා කාලෙකට කලින් සටන් කරන එක සම්පූර්ණයෙන්ම නවත්තලා, දැන් සාමාන්ය ධීවරයෙක් විදිහට තමයි පාඩුවේ ජීවත් වෙන්නේ. හැබැයි නොහිතපු වෙලාවක එයාගේ මල්ලි ලොකු කරදරයකට වැටෙනවා. තමන්ගේ මල්ලිව බේරගන්න නම් පැටන්ට වෙන විකල්පයක් නැහැ, ආයෙමත් වතාවක් සටන් භූමියට (Cage එකට) බහින්නම සිද්ධ වෙනවා. මේ අභියෝගයට මුහුණ දෙන්න පැටන් තමන්ගේ පරණ පුහුණුකරු (Coach) වෙන සැමීව (Russell Crowe) ආයෙමත් හොයාගෙන යනවා. පැටන්ට සිද්ධ වෙනවා දැනට MMA ලෝකේ ඉන්න දරුණුම සහ අනුකම්පා විරහිතම ශූරයා වෙන ‘ෂේවියර් ග්රෝ’ (Xavier Grau) එක්ක ONE Championship තරඟාවලියේදී අවසාන වතාවට සටන් කරන්න. මේ සටනින් දිනනවා කියන්නේ තමන්ගේ මල්ලිවයි තමන්ගේ ගෞරවයයි රැකගන්නවා කියන එකයි. පැරදුනොත් එයා ගොඩනගාගත්තු හැමදේම ඉවරයි. ඔයා Action ෆිල්ම්ස් බලන්න, විශේෂයෙන්ම MMA සටන් කලාවට ආස කෙනෙක් නම්, මේකේ තියෙන සටන් ජවනිකා ගොඩක් තාත්වික විදිහට නිර්මාණය කරලා තියෙනවා. ඇත්තම ONE Championship සටන් පරිසරයක් මේකෙන් බලාගන්න පුළුවන්. මේක නිකම්ම ගහගන්න Action ෆිල්ම් එකක් විතරක් නෙවෙයි. තමන්ගේ සහෝදරයා වෙනුවෙන් ජීවිතේ වුණත් පරදුවට තියන අයියෙකුගේ කතාවක් සහ, වැටුණු තැනින් ආයෙමත් නැගිටින (Comeback) කතාවක් මේකේ තියෙනවා. වයසට ගියත් තාමත් තමන්ගේ රංගන ප්රතිභාවෙන් ප්රේක්ෂකයන්ව ඇදබැඳගන්න පුළුවන් Russell Crowe ගේ පුහුණුකරු චරිතය මේ චිත්රපටයට ලොකු වටිනාකමක් එකතු කරනවා. ඔයා Action, Drama එක්කම ත්රාසජනක ක්රීඩා චිත්රපට (Sports Thriller) බලන්න කැමති කෙනෙක් නම්, 2026 නිකුත් වුණු මේ “Beast” චිත්රපටය මඟහැරගන්නේ නැතුව අනිවාර්යයෙන්ම බලන්න.
