පැයට කිලෝමීටර් ගණනාවක අධික වේගයෙන් ධාවනය වන අධිවේගී දුම්රියක්… ඒ තුළ සඟවා ඇති මාරාන්තික බෝම්බයක්… දුම්රියේ වේගය නියමිත සීමාවට වඩා අඩු කළහොත් සිදුවන්නේ දැවැන්ත විනාශයක්. හොලිවුඩයේ ජනප්රිය “Speed” චිත්රපටයේ ආභාසය ලබාගනිමින්, ඊටත් වඩා ත්රාසජනක අත්දැකීමක් ගෙන එන තායිවාන සිනමා නිර්මාණයක් තමයි 96 Minutes (2025) කියන්නේ. Hung Tzu-hsuan විසින් අධ්යක්ෂණය කරන ලද මෙම චිත්රපටය Action, Crime සහ Romance යන ශානරයන් ඔස්සේ නිර්මාණය වී තිබෙනවා. මෙහි ප්රධාන චරිත සඳහා Austin Lin (Ken-Ren ලෙස), Vivian Sung (Huang Xin ලෙස), Edison Wang (Liu Kai ලෙස) සහ Lee Lee-zen (Li Jie ලෙස) රංගනයෙන් දායක වෙනවා. දැනට TMDB දර්ශකයේ 60% ක ප්රේක්ෂක මනාපයක් හිමිකරගෙන ඇති මෙය, ආරම්භයේ සිට අවසානය දක්වාම ප්රේක්ෂකයාව එකම ඉරියව්වක තබාගැනීමට සමත් වන සුවිශේෂී නිර්මාණයක්.කතාව ආරම්භ වෙන්නේ සාමාන්ය දුම්රිය ගමනකින්. හිටපු බෝම්බ නිශ්ක්රීය අංශයේ ප්රවීණයෙකු වන Song Kang-Ren සහ ඔහුගේ පෙම්වතිය වන Huang Xin මෙම දුම්රියේ ගමන් කරනවා. ඒ වගේම ප්රසිද්ධ භෞතික විද්යා ගුරුවරයෙකු වන Liu Kai ද තමන්ගේ බිරිඳ වන Ting-Juan ගේ හිත හදාගැනීමේ අරමුණින් මෙම දුම්රියට ගොඩවෙනවා. නමුත් මේ කිසිවෙකුත් දන්නේ නැහැ තවත් සුළු මොහොතකින් ඔවුන්ට මුහුණ දීමට සිදුවන අතිශය බිහිසුණු අත්දැකීම ගැන. හදිසියේම දුම්රියට පණිවිඩයක් ලැබෙනවා. දුම්රිය තුළ බෝම්බයක් ඇති බවත්, එය නතර කළහොත් පුපුරා යන බවත් එමගින් කියවෙනවා. මේ සියල්ල පිටුපස ඇත්තේ මීට වසර තුනකට පෙර සිදුවූ ද්විත්ව බෝම්බ ප්රහාරයක අමිහිරි මතකයන්. එදා ඒ ප්රහාරයෙන් පුද්ගලයින් 26 දෙනෙකු මියගිය අතර, එහි වැරදිකරුවන් සහ සැබෑ සත්යය යටපත් කර දැමුණා. දැන්, ඒ ඛේදවාචකයේ වින්දිතයෙකු යුක්තිය පතා සිය ගණනකගේ ජීවිත බිල්ලට ගැනීමට සැරසෙනවා.
